سياسة الخصوصية
كنحتارمو الخصوصية ديالك. هاد الصفحة كتشرح شنو هي المعلومات اللي كنجمعو فموقع honahona.com وكيفاش كنستعملوها.
1. المعلومات اللي كنجمعو
- ملي كتدير طلب: الاسم الكامل، رقم الهاتف، المدينة والعرض اللي اخترتي.
- معلومات تقنية ديال الطلب: عنوان IP، نوع المتصفح، الصفحة اللي طلبتي منها والإعلان اللي جابك (إلا كان).
- إحصائيات الزيارة: الصفحات اللي تشافت والوقت اللي داز فيها، بلا اسم وبلا رقم الهاتف.
2. علاش كنستعملوها
- باش نأكدو معاك الطلب فالتيليفون ونوصلوه ليك.
- باش نجاوبو على الأسئلة ديالك ونعالجو الاستبدال.
- باش نتفاداو الطلبات المكررة ولا المزورة.
- باش نعرفو شنو خدام مزيان فالموقع وفالإعلانات ديالنا.
3. مع من كنتشاركوها
- فريق تأكيد الطلبات وشركة التوصيل: غير المعلومات الضرورية باش يوصلك الطلب.
- Meta (Facebook و Instagram): ملي كتدير طلب، كنعلمو Meta باللي إعلان جاب طلب. رقم الهاتف كيتصيفط مشفر (hash) وماشي مقروء.
- الشركات اللي كتخزن لينا المعطيات وكتشغل الموقع.
ما كنبيعوش المعلومات ديالك لحتى شي حد.
4. الكوكيز وأدوات القياس
الموقع كيستعمل Meta Pixel باش نقيسو النتائج ديال الإعلانات، وكوكي صغير كيخلي الصفحة اللي شفتي تبقى هي نفسها فالزيارة الجاية. تقدر تمسح الكوكيز ولا تبلوكيهم من إعدادات المتصفح ديالك.
5. شحال كنحتافظو بيها
كنحتافظو بمعلومات الطلب المدة اللازمة باش نتبعو الطلب، الاستبدال والمحاسبة ديالنا.
6. الحقوق ديالك
احتراما للقانون 09-08 المتعلق بحماية الأشخاص الذاتيين تجاه معالجة المعطيات ذات الطابع الشخصي، عندك الحق تطلب تشوف، تصحح ولا تمسح المعلومات ديالك، وتعترض على استعمالها. كتب لينا على contact@honahona.com.
7. التعديلات
نقدرو نبدلو هاد السياسة من وقت لآخر. النسخة المحدثة كتكون ديما فهاد الصفحة.
آخر تحديث: 17 نونبر 2026