الاستبدال والإرجاع
باختصار: إلا وصلك المنتوج معطوب ولا ماشي هو اللي طلبتي، كتب لينا فـ 7 أيام من نهار الاستلام وكنبدلوه ليك.
إمتى كنبدلو المنتوج
- المنتوج وصل معطوب ولا ما خدامش.
- المنتوج اللي وصلك ماشي هو اللي طلبتي (منتوج آخر، ولا عدد ناقص).
كيفاش
- كتب لينا على contact@honahona.com فـ 7 أيام من نهار وصلك الطلب.
- عطينا الاسم ورقم الهاتف ديال الطلب، وشرح لينا المشكل. تصويرة ولا فيديو قصير كيعاونونا نحلو المشكل دغيا.
- كنتافقو معاك على طريقة الاستبدال. فهاد الحالات مصاريف الاستبدال علينا.
الحالات الأخرى
من غير هاد الحالتين، ما كنرجعوش المنتوج وما كنردوش الفلوس من بعد ما يتسلم ويتخلص. على هادشي، تأكد من الطلب ديالك فمكالمة التأكيد، وتقدر تلغيه بلا مصاريف قبل ما يتصيفط.
إلا رفضتي الطلب عند التوصيل، ما كتخلص والو.
آخر تحديث: 17 نونبر 2026